江嘉敏 Kaman Kong

影人资料

江嘉敏喺小康**長大，6歲就開始學鋼琴，12歲就已經彈到演奏級。佢之後除咗學二胡、打鼓，同自己學結他呢啲樂器之外，重有跟專業老師學唱歌同埋跳舞，讀書嗰時除咗學西方舞，重參加咗合唱團。後嚟，佢嘅興趣擴展到Jazz Funk嗰類舞。根據一啲雜誌嘅訪問同佢喺Fans專頁上面透露，知佢有時喺時間許可同適當嘅安排之下，會教人鋼琴。重有，佢都好希望增強佢歌唱上嘅才藝 佢17歲就已經主演香港鮮浪潮國際短片競賽最佳創意獎（學院組）得獎作品《野犬與貓咪》。2014年，佢經由主演麥曦茵執導嘅《曖昧不明關係研究學會》而正式以香港演員身分出道。2016年，佢第二部領銜主演嘅電影 —— 由黃國輝執導嘅《此情此刻》（The Moment）喺中秋節時喺香港上映咗，套戲亦喺福岡映画祭入咗圍。 2016年江嘉敏同無綫電視簽約拍劇，頭一個作品係2017年2月首播嘅《親親我好媽》。雖然佢喺呢套劇嘅演出畀觀眾讚，不過因為佢簽咗無綫後都客串對手viuTV處境劇《三一如三》一個單元，激嬲咗無綫，所以被禁出席《親親我好媽》嘅宣傳活動，直到5月先至「解凍」，有得出席《不懂撒嬌的**》宣傳活動，重頂埋傷咗嘅鄧佩儀拍台慶劇《誇世代》